ಗುರುವಿಗಾಗಿ ಹುಡುಕಾಟ

ಗುರುವಿಗಾಗಿ ಹುಡುಕಾಟ ನಡೆಸುತ್ತಿದ್ದ ಶಿಷ್ಯನೊಬ್ಬನಿಗೆ ಕೊನೆಗೂ ಗುರುಮನೆ ಕಾಣಿಸುತ್ತದೆ. ಅಲ್ಲಿದ್ದಾರೆ ಗುರುಗಳು, ಹೋಗಿ ಮಾತಾಡಿಸು ಎಂದು ಊರ ಮಂದಿ ಹೇಳುತ್ತಾರೆ. ಆತ ಧಾವಿಸಿ ಹೋಗಿ ಗುರುಗಳ ಮನೆಯ ಬಾಗಿಲು ಬಡಿಯುತ್ತಾನೆ. ಬಾಗಿಲ ತೆರೆದುಕೊಳ್ಳುತ್ತಿದ್ದಂತೆ ಒಳಗೆ ಕೂತಿದ್ದ ಗುರು ಕಾಣಿಸುತ್ತಾನೆ.
'ಯಾರು ಬೇಕಾಗಿತ್ತು' ಎಂದು ಕೇಳುತ್ತಾನೆ ಗುರು.
'ಗುರುಗಳ ಹುಡುಕಾಟದಲ್ಲಿದ್ದೇನೆ.'
'ನಾನು ಗುರುಗಳ ಹುಡುಕಾಟದಲ್ಲಿದ್ದೇನೆ'
'ನೀವೇ ಗುರು'
'ನಾನಲ್ಲ'

'ನೀವೇ ಎಂದು ಗೊತ್ತು. ನಿಮ್ಮನ್ನು ಹುಡುಕಿಕೊಂಡು ಬಂದೆ. ಈಗ ಸಿಕ್ಕಿದ್ದೀರಿ'

'ನನ್ನನ್ನು ನಾನು ಐವತ್ತು ವರ್ಷಗಳಿಂದ ಹುಡುಕುತ್ತಿದ್ದೇನೆ. ನನಗೆ ನಾನು ಸಿಕ್ಕಿಲ್ಲ. ನಿನಗೆ ಸಿಕ್ಕಿದ್ದುವಸಂತೋಷ. ಆದರೆ ನೀನು ಹುಡುಕುತ್ತಿರುವ ನಾನು ನಾನಲ್ಲ'.

ಸಂಗ್ರಹ ಹುಸ್ಸೇನ್..